კონფიდენციალურობის პოლიტიკა

1. ზოგადი დებულებები

წინამდებარე კონფიდენციალურობის პოლიტიკა განმარტავს, თუ როგორ აგროვებს, ამუშავებს და იცავს შპს „სამუ ჯორჯია“ (ს/კ 402323240, მისამართი: საქართველო, ქ. თბილისი, დიდუბის რაიონი, გიორგი ტოვსტონოგოვის ქ. № 6) — ბრენდი „Appy.ge“ (შემდგომში — „კომპანია“) მომხმარებლის პერსონალურ მონაცემებს საქართველოს კანონის „პერსონალურ მონაცემთა დაცვის შესახებ“ შესაბამისად. კომპანია წარმოადგენს მონაცემთა დამმუშავებელს.

ვებგვერდით სარგებლობით, რეგისტრაციით ან შეკვეთის განთავსებით მომხმარებელი ადასტურებს, რომ გაეცნო წინამდებარე პოლიტიკას.

2. რა მონაცემებს ვაგროვებთ

• საიდენტიფიკაციო და საკონტაქტო მონაცემები: სახელი, გვარი, პირადი/საიდენტიფიკაციო ნომერი, ელ-ფოსტა, ტელეფონი, მისამართი;
• ანგარიშის მონაცემები: მომხმარებლის სახელი, დაშიფრული (ჰეშირებული) პაროლი, ანგარიშის პარამეტრები;
• ტრანზაქციული მონაცემები: ინვოისები, შეკვეთის შინაარსი, გადახდის სტატუსი, თარიღი და თანხა, ბარათის ბოლო ოთხი ციფრი და ტიპი (ბარათის სრულ ნომერს, ვადასა და CVV-ს კომპანია არ ინახავს);
• ტექნიკური და უსაფრთხოების მონაცემები: IP-მისამართი, ბრაუზერისა და მოწყობილობის მონაცემები (User-Agent), ავტორიზაციის მცდელობები, ვებგვერდზე მოთხოვნების ჟურნალი, უსაფრთხოების სისტემის მიერ დაფიქსირებული ინციდენტები და დაბლოკვის ჩანაწერები;
• თანხმობისა და მიწოდების ჩანაწერები: წესებთან, დაბრუნებისა და მიწოდების პოლიტიკასთან თანხმობის ფაქტი, მისი თარიღი, დრო და IP-მისამართი, აგრეთვე სერვისის აქტივაციისა და ჩაბარების სისტემური ჟურნალი;
• კომუნიკაციის მონაცემები: მიმოწერა ელ-ფოსტით, პირად კაბინეტში ან სხვა ოფიციალური არხით.

3. დამუშავების მიზნები და სამართლებრივი საფუძველი

• სერვისის მიწოდება, შეკვეთის შესრულება და პირადი კაბინეტის ფუნქციონირება — ხელშეკრულების შესრულება;
• ანგარიშსწორება, ინვოისირება, საგადასახადო და ბუღალტრული აღრიცხვა — კანონისმიერი ვალდებულება;
• მომხმარებელთან კომუნიკაცია, მხარდაჭერა და პრეტენზიების განხილვა — ხელშეკრულების შესრულება და კომპანიის ლეგიტიმური ინტერესი;
• ვებგვერდისა და მომხმარებელთა ანგარიშების უსაფრთხოების უზრუნველყოფა, არაავტორიზებული წვდომის, თავდასხმებისა და ავტომატური სკანირების აღკვეთა — კომპანიის ლეგიტიმური ინტერესი;
• თაღლითობის პრევენცია, სადავო ტრანზაქციებისა და გადახდის დავების (chargeback) განხილვისას მტკიცებულებების წარდგენა ბანკის, საგადახდო სისტემისა და უფლებამოსილი ორგანოს წინაშე — კომპანიის ლეგიტიმური ინტერესი და კანონისმიერი ვალდებულება;
• სიახლეებისა და მარკეტინგული შეტყობინებების გაგზავნა — მომხმარებლის თანხმობა, რომლის გამოხმობაც ნებისმიერ დროს შესაძლებელია.

4. ბარათის მონაცემები და გადახდები

გადახდები მუშავდება ლიცენზირებული საგადახდო მომსახურების პროვაიდერის მეშვეობით. ბარათის სრული მონაცემები (ნომერი, მოქმედების ვადა, CVV/CVC) შეიტანება უშუალოდ საგადახდო სისტემის დაცულ გვერდზე და კომპანიის სერვერებზე არ გადმოიცემა და არ ინახება. კომპანია იღებს მხოლოდ ტრანზაქციის შედეგს, იდენტიფიკატორს, თანხას და ბარათის ბოლო ოთხ ციფრს.

საგადახდო სისტემის მოთხოვნის შესაბამისად, ტრანზაქციასთან დაკავშირებული მონაცემები ინახება სულ მცირე 6 (ექვსი) თვის განმავლობაში, სადავო ოპერაციების განხილვის მიზნით.

5. მონაცემთა შენახვის ვადები

• ანგარიშისა და პროფილის მონაცემები — ანგარიშის აქტიურობის პერიოდში და მისი წაშლიდან 12 თვის განმავლობაში;
• ინვოისები, გადახდისა და ბუღალტრული დოკუმენტაცია — საქართველოს კანონმდებლობით დადგენილი ვადით (როგორც წესი, 6 წელი);
• ტრანზაქციასთან დაკავშირებული მონაცემები — სულ მცირე 6 თვე;
• თანხმობისა და მიწოდების ჩანაწერები (მათ შორის IP-მისამართი) — მომსახურების დასრულებიდან 3 წლის განმავლობაში, ხანდაზმულობის ვადის გათვალისწინებით;
• უსაფრთხოების ჟურნალები და ინციდენტების ჩანაწერები — 12 თვე;
• მარკეტინგული თანხმობა — თანხმობის გამოხმობამდე.

ვადის გასვლის შემდეგ მონაცემები იშლება ან ხდება მათი შეუქცევადი ანონიმიზაცია.

6. მონაცემთა გაზიარება

კომპანია არ ყიდის პერსონალურ მონაცემებს. მონაცემები შესაძლოა გადაეცეს მხოლოდ შემდეგ კატეგორიებს, აუცილებელი მოცულობით:

• საგადახდო მომსახურების პროვაიდერსა და მომსახურე ბანკს — გადახდის შესრულების, დაბრუნებისა და სადავო ტრანზაქციების განხილვის მიზნით;
• ჰოსტინგისა და ინფრასტრუქტურის მომწოდებელს — ვებგვერდის ფუნქციონირებისთვის;
• ელ-ფოსტისა და შეტყობინებების გაგზავნის სერვისებს;
• საქართველოს შემოსავლების სამსახურს — საგადასახადო დოკუმენტების გამოწერის მიზნით;
• ბუღალტრულ, აუდიტორულ ან იურიდიულ მრჩეველს — კონფიდენციალურობის ვალდებულების პირობით;
• უფლებამოსილ სახელმწიფო ორგანოს — კანონით გათვალისწინებულ შემთხვევებში.

7. საერთაშორისო გადაცემა

ცალკეული ტექნიკური სერვისის (ჰოსტინგი, ელ-ფოსტა, ანალიტიკა) მიწოდება შესაძლოა ხდებოდეს საქართველოს ფარგლებს გარეთ განთავსებული სერვერებიდან. ასეთ შემთხვევაში კომპანია უზრუნველყოფს, რომ გადაცემა ხორციელდებოდეს კანონმდებლობით დადგენილი მოთხოვნების დაცვით და შესაბამისი სახელშეკრულებო გარანტიების საფუძველზე.

8. მონაცემთა დაცვა

კომპანია იყენებს ორგანიზაციულ და ტექნიკურ ზომებს: მონაცემთა გადაცემის დაშიფვრას (HTTPS/TLS), პაროლების ჰეშირებას, წვდომის შეზღუდვას მხოლოდ უფლებამოსილი პირებისთვის, სისტემურ ჟურნალირებას, ავტომატური თავდასხმებისა და არაავტორიზებული წვდომის აღმოჩენისა და დაბლოკვის მექანიზმებს, აგრეთვე რეგულარულ სარეზერვო კოპირებას.

9. მომხმარებლის უფლებები

მომხმარებელს უფლება აქვს მოითხოვოს ინფორმაცია მისი მონაცემების დამუშავების შესახებ, მიიღოს მათი ასლი, მოითხოვოს მონაცემთა შესწორება, განახლება, დაბლოკვა, წაშლა ან განადგურება, აგრეთვე ნებისმიერ დროს გამოიხმოს თანხმობა.

მოთხოვნა წარდგენილ უნდა იქნეს კომპანიის ოფიციალურ ელ-ფოსტაზე. კომპანია პასუხს გასცემს 10 (ათი) სამუშაო დღის ვადაში. მომხმარებლის იდენტიფიცირების მიზნით კომპანია უფლებამოსილია მოითხოვოს დამატებითი ინფორმაცია; ამ პერიოდში ვადის დინება ჩერდება.

მონაცემთა წაშლის მოთხოვნა არ ვრცელდება იმ მონაცემებზე, რომელთა შენახვაც კომპანიას ეკისრება კანონით (მათ შორის საგადასახადო და ბუღალტრული დოკუმენტაცია) ან რომლებიც აუცილებელია სამართლებრივი მოთხოვნის წარდგენის, დაცვის ან სადავო ტრანზაქციის განხილვისთვის.

10. საჩივრის უფლება

თუ მომხმარებელი მიიჩნევს, რომ მისი მონაცემები მუშავდება კანონის დარღვევით, უფლება აქვს მიმართოს პერსონალურ მონაცემთა დაცვის ზედამხედველ ორგანოს. 2026 წლის 3 მარტიდან პერსონალურ მონაცემთა დაცვის სამსახური გაუქმებულია და მისი ფუნქციები გადაეცა საქართველოს სახელმწიფო აუდიტის სამსახურს (ვებგვერდი: sao.pdp.ge). მომხმარებელი ასევე უფლებამოსილია მიმართოს სასამართლოს.

კომპანია ითხოვს, რომ საკითხი პირველ რიგში მოგვმართოთ პირდაპირ — შემთხვევათა უმეტესობა წყდება შიდა განხილვის ეტაპზე.

11. ქუქი-ფაილები (Cookies)

ვებგვერდი იყენებს ქუქი-ფაილებს შემდეგი მიზნებით: სესიის შენარჩუნება და ავტორიზაცია, უსაფრთხოება (მათ შორის CSRF-დაცვა), ენისა და მომხმარებლის პარამეტრების დამახსოვრება, აგრეთვე ვებგვერდის გამოყენების სტატისტიკის აღრიცხვა.

ფუნქციონირებისთვის აუცილებელი ქუქი-ფაილების გარეშე ვებგვერდის ცალკეული ნაწილი (ავტორიზაცია, კალათა, გადახდა) არ იმუშავებს. ქუქი-ფაილების მართვა შესაძლებელია ბრაუზერის პარამეტრებიდან.

12. პოლიტიკის ცვლილება

კომპანია უფლებამოსილია შეიტანოს ცვლილება წინამდებარე პოლიტიკაში. განახლებული ვერსია ძალაში შედის ვებგვერდზე გამოქვეყნების მომენტიდან. არსებითი ცვლილების შემთხვევაში მომხმარებელს ეცნობება ელ-ფოსტით ან ვებგვერდზე განთავსებული შეტყობინებით.

13. კონტაქტი

მონაცემთა დაცვასთან დაკავშირებული ნებისმიერი საკითხისთვის დაგვიკავშირდით ვებგვერდზე მითითებულ ოფიციალურ ელ-ფოსტაზე ან ტელეფონზე.